Полюбовница

Думка пра тое, што добра збалансаванае харчаванне, багатае на вітаміны і мінеральныя солі, — гэта аснова асноў для здаровага цела, безумоўна, не новая. Ужо даўно нас заклікаюць харчавацца больш здаровай ежай. I ўсё ж не многія харчуюцца правільна. А пасля мы скардзімся на стомленасць, цяжар у страўніку, лішнія кілаграмы. Наша жыццё настолькі інтэнсіўнае, што часам мы проста не звяртаем увагі на тое, што ядзім, а прынцыпы збалансаванага харчавання не такія і складаныя. Думаецца, варта нагадаць іх яшчэ раз.

• Меней тлушчаў, асабліва цвёрдых, якія прысутнічаюць у мясе, вяршках, сыры. 3 мяса зразай ўвесь тлушч, які толькі заўважыш. Адстаў далей патэльні.
• Меней цукру, асабліва ў чыстым выглядзе, меней вугляводаў, дабаўленых падчас перапрацоўкі прадуктаў.
• Меней солі — сцеражыся салёных закусак і ніколі не салі ежу за сталом дадаткова.
• Меней спіртнога.
• Больш садавіны і гародніны (не ўлічваючы бульбы, якая лічыцца крыніцай крухмалу). Па нормах Сусветнай асацыяцыі аховы здароўя мы павінны кожны дзень з’ядаць не меней як 400 грамаў садавіны і гародніны (гэта, відаць, разоў у пяць болей, чым мы ядзім звычайна).
• Болей прадуктаў з паніжаным утрыманнем тлушчу — купляй ёгурты, тварог і малако паніжанай тлустасці або нятлустыя.
• Больш складаных вугляводаў — еш болей страў з цэльнага зерня, мучных вырабаў з цэльнага зерня пшаніцы, а таксама карычневы рыс.
• Болей вадкасці — пі болей вады і разбаўленых сокаў, напрыклад, яблычнага, апельсінавага і маркоўнага.

Сутачны рэжым у грамах:

• хлеб — 150,
• поснае мяса — 250,
• несалёны сыр — 80,
• аліўкавы алей — 30,
• сырая гародніна і салат — колькі хочацца,
• свежая сакавітая садавіна — колькі хочацца,
• цукар — два кавалачкі.

Ежу не саліць. Дазваляецца мінеральная вада, якая стымулюе абмен рэчываў.

Прыклад сутачнага меню

Для падтрымання добрага здароўя і знешняга выгляду.

Першы сняданак:

• кубак слабазаваранага чаю без малака,
• кавалак цукру,
• 100 г сакавітай садавіны,
• адно яйка,
• адзін грэнак.

Другі сняданак:

• 30 г закускі з агародніны і траў,
• 100 г поснага мяса,
• 150-300 г зялёнай агародніны або 75 г бульбы,
• 200 г салата,
• адзін або два грэнка,
• 100 г садавіны,
• 60 г соку.

Полудзень:

• кубак гарбаты без цукру,
• 100 г садавіны.

Абед:

• 300 г нятлустага булёну,
• 100 г рыбы або поснага мяса, або два яйкі,
• 300 г зялёнай гародніны або салата,
• адзін грэнак,
• 100 г садавіны,
• 60 г соку.

На дзень — 15 г сметанковага масла, 5-6 г солі. Два разы на месяц — слабіцельнае.

Гэты прыкладны сутачны рацыён ты можаш размеркаваць на сваё меркаванне (у грамах):

• агародніна — 400,
• садавіна — 300,
• хлеб — 60,
• смятана 20%-ная — 30,
• малако — 480,
• поснае мяса — 150,
• сметанковае масла — 15.