Мяса і рыба да навагодняга стала


Мяса і рыба да навагодняга стала
 
Цяжка сабе ўявіць святочны стол без гарачага. А калі гэта такое свята як Новы год, то, вядома ж, хочацца, каб з гарачых страў на стале было нешта незвычайнае і вельмі смачнае, чым можна ад душы пачаставаць і сябе, і сваіх гасцей. Некалькі арэгінальных і нескладаных рэцэптаў мяса і рыбы да навагодняга стала дапамогуць табе ажыццявіць гэтае пажаданне.
 

Рэцепт: Качка з апельсінамі

Нам спатрэбіцца: На качку вагой 1,5 кг — па 50 г масла і мукі, 100 г булёну, 2 апельсіны.

Тушку апрацоўваем такім жа чынам, як і курыную. Зверху смазваем адтопленым маслам, солім, пасыпаем перцам. Потым начыняем мякаццю ачышчанага і парэзанага на кавалкі апельсіна і смажым у духоўцы з разліку 20 хвілін на 0,5 кг вагі птушкі.

Тым часам апельсінавую цэдру дробна сячом і бланшыруем 10 хвілін у кіпні. Даём вадзе сцячы і таўчом цэдру разам з пячонкай, разводзім гэтае пюрэ лікёрам. Асобна ў каструлі кіпяцім булён са сметанковым маслам, змешаным з мукой, дадаём у яго тоўчаную цэдру, даводзім да кіпення, працэджваем і падаём на стол у соусніку. Качку кладзём на вялікае блюда, загадзя вымаем апельсінавую начынку і выкладваем яе абапал птушкі.

Рэцепт: Бараніна з зеленню

Нам спатрэбіцца: 2 кг бараніны, прыкладна шклянка-паўтары свежай зелені (пятрушка, эстрагон, кінза, кроп, базілік), 1-2 зубчыкі часнаку, цыбуліна, сталовая лыжка алею, 2 сталовыя лыжкі кісла-салодкага соусу з садавіны, шклянка белага сухога віна, 5-7 лыжак курынага булёну.

3 бараніны зразаем непатрэбны тлушч, выдаляем сухажыллі. Вымытую і здробненую зелень, часнок, цыбулю запраўляем алеем і соусам з садавіны, узбіваем міксерам у аднародную масу. Кладзём мяса ў форму, абмазваем з усіх бакоў зялёнай масай, падліваем крыху вады, каб смажаніна не падгарэла. Запякаем у духоўцы пры тэмперагуры 180°С, не накрываючы, 1 гадзіну і 15 хвілін. А калі прыйдзе час вымаць мяса, кладзём яго на дошку альбо блюда, заварочваем у фольгу і вытрымліваем у цяпле 15-20 хвілін, потым наразаем на парцыённыя кавалкі.

Соус, які застаўся пасля запякання, пераліваем у глыбокую патэльню альбо невялікую каструлю, дадаём віно і булён. Перамешваем, даводзім да кіпення і варым 5 хвілін. Перад падачай на стол заліваем мяса соусам.

Рэцепт: Курыца, запечаная ў ёгурце

Нам спатрэбіцца: Курыца, 2 лімоны, 3 сталовыя лыжкі аліўкавага алею, 100 г адтопленага сметанковага масла, 300 г несалодкага ёгурту, 2 яйкі.

Надзіраем на тарцы цэдру, а з лімонаў выціскаем сок. Звонку змазваем курыцу лімонным сокам, а знутры націраем лімоннай цэдрай. Перакладваем курыцу на блюда, накрываем і ставім у халадзільнік на 2-3 гадзіны. Разаграваем духоўку да 220°С. Курыцу перакладваем у форму для запякання, заліваем аліўкавым алеем і сметанковым маслам, дадаём 100 мл вады і запякаем у духоўцы 20 хвілін. Пасля гэтага зніжаем тэмпературу духоўкі да 180°С і запякаем курыцу яшчэ хвілін 40.

Тым часам змешваем у глыбокай місцы ёгурт, яйкі, 5 сталовых лыжак вады і ўзбіваем. Заліваем атрыманай сумессю курыцу і зноў ставім у духоўку на 15 хвілін, пакуль ёгурт не загусне.

Рэцепт: Рыба запечаная з сырам

Нам спатрэбіцца: 500 г рыбнага філе, парэзанага кубікамі, 2 сталовыя лыжкі надзёртага сыру, 2 сталовыя лыжкі таматнай пасты, 2 сталовыя лыжкі сметанковага масла, 2 сталовыя лыжкі мукі, 1 сталовая лыжка малака, 2 яйкі, соль, перац, алей, 1 сталовая лыжка сметанковага масла.

Масла растопліваем, абсмажваем у ім муку, разводзім малаком. Дадаём таматную пасту і сыр, солім. Узбіваем жаўткі, змешваем з атрыманай масай, дадаём узбітыя бялкі. У форму, змазаную алеем, выкладваем рыбу і выліваем масу. Запякаем у духоўцы да румянай скарынкі.

Рэцепт: Рыба, тушаная з сырам і вяндлінай

Нам спатрэбіцца: 800 г хека, 1 сталовая лыжка сметанковага масла, 2 сталовыя лыжкі гарчыцы, 150 г вэнджанай грудзінкі альбо вяндліны, 4-5 сталовых лыжак надзёртага сыру, марынаваныя агуркі, зелень, перац і соль па смаку.

Рыбу рэжам на кавалкі, солім, перчым, змазваем тонкім слоем гарчыцы. Кладзём рыбу ў форму, папярэдне змазаную маслам, накрываем кожны кавалак скрылікам вяндліны альбо грудзінкі. Наліваем крыху вады альбо рыбнага булёну і пасыпаем надзёртым сырам.

Запякаем у духоўцы да гатоўнасці.

Перад падачай на стол пасыпаем дробна пасечанай зеленню альбо абкладваем колцамі марынаваных агуркоў.

 

Больше интересного

...

Поделиться мнением